朱晨麗放疫監等何廣沛開飯

東方日報
朱晨麗大派心心,不知是派給觀眾,還是派給何廣沛。

「神隱」兩個多月、留蘇州為婆婆處理身後事的朱晨麗,昨日歸隊現身電視城為熱播劇《法證先鋒IV》造勢。見她心情平復不少,自爆返港後自我隔離超過14日,問到緋聞男友何廣沛有否做外賣仔探訪時,她即冧笑主動出擊,之後約見面!

藝人黃浩然、譚俊彥、朱晨麗、陳煒、黎燕珊等,出席《法證IV》宣傳活動,並齊齊做運動健體抗炎。該劇收線直線攀升,由監製梅小青帶領之下公布最新收視成績,第12集(3月3日)直播收視及首周7天跨平台總收視分別為33.7點及35.7點,均超過200萬觀眾收看,兩項佳績更打破6年劇集紀錄!

憶外婆以淚洗面

首次參與宣傳的朱朱,負責揭曉高收視成績,令她大感興奮:「有好成績好開心,希望大家繼續支持《法證IV》,《大醬園》大結局都過30點,好滿足!」臉上重現招牌笑容的她,坦言早前婆婆離世時好傷心,終日以淚洗面:「日日喺屋企好Sad,坐喺度都會流眼淚,但時間係會令自己成長,都唔可以咁悲傷,疫情係暫時,屋企人係永遠。」並透露媽媽仍然留在蘇州,朱朱自上月中獨自回港後,已自我隔離超過14日。

問到緋聞男友何廣沛可有於隔離期間做外賣仔?朱朱聞言甜笑說:「我自己嗌,佢好忙o架!(叫一份定兩份?)兩份我食唔晒!佢都有Send訊息問候我,等佢忙完可以食餐飯。(疫情過後結婚?)食飯見吓面啫,呢啲私人嘢,太長遠啦!希望可以再合作,拍續集又好、開過另一套再做情侶又好。」

黎燕珊今生無悔

黃金拍檔黃浩然與譚俊彥希望收視節節上升:「每一個Case、人物都能夠好好交代,好嘅劇集呢啲都係缺一不可。」於劇中與楊潮凱飾演兩母子的黎燕珊,連場痛心疾首爆喊戲獲網民激讚,她謙稱盡做:「有咁大嘅回響我哋都好開心,好難得遇到咁好對手同劇本,演到呢個角色今生無悔!」又讚「仔仔」楊潮凱好勤力,即使冇拍攝場口也回來幫手聲演。

看來朱晨麗於隔離期間亦不忘鍛煉身手,柔軟度稍勝陳煒。