朱晨麗惡慣驚嚇走男人

東方日報
朱晨麗於新劇中打得惡得,不過私底下就會派心心嘅!

朱晨麗於主演新劇中做警察,動作戲連場,她笑言擔心惡的形象嚇親男士。而譚俊彥與拍檔陳煒展開感情線,多次被請食檸檬,最終才修成正果,原來現實生活中他亦要追太太追到北京生活,才贏得美人歸。

譚俊彥、黃浩然、朱晨麗(朱朱)及陳煒等,昨午現身華富邨,代表主演劇集《法證先鋒IV》到慈善團體派防疫包。陳煒及朱朱「姊妹檔」孖住受訪,陳煒被問到新冠肺炎疫情下,有否與醫生男友分開暫不約見面?她大方透露:「又冇喎,食得健康啲同有營養啲囉,呢排我多咗下廚自己煮,不過依家真係少咗人睇醫生就真。」而朱朱於《法證》打戲連場,她直言新嘗試雖然辛苦,但獲網民大讚有型有款,自覺值回票價:「演戲嘅時候我畀人惡嘅感覺,都驚啲男士驚咗自己,但平時嘅我其實好溫柔。」

嘆網上教學唔Work

譚俊彥被問到劇情即將展開他與陳煒的感情線,他笑說:「我被多次拒絕,然後喺佢屋企樓下等,到最尾先修成正果。(現實生活中追女仔好叻?)錯,我成日被請食檸檬,好似我追老婆咁,佢初頭都話冇feel,惟有做住朋友先囉,後嚟我直頭追咗去北京,喺嗰度生活咗一年先追到手。(好難追喎。)所以追到個好嘅,仲生埋一對仔女。」

談到昨日政府指4月20日學生復課有難度,譚俊彥無奈表示:「真係打亂晒陣腳,我覺得網上教學作用唔係幾好,因為有時(上網)會窒吓窒吓。細路仔初頭會覺得好新鮮,依家就冇晒耐性。」他坦言原本有打算舉家到新加坡視察環境,計劃日後送子女到該處升學,現已取消行程。

一眾新劇演員與監製梅小青到香港仔派發防疫包,齊心盡一分力。