朱晨麗同日生日約定慶祝

東方日報
朱晨麗得知與BB女同日生日,覺得很有緣分。

周柏豪宣布榮升父親,BB女相當可愛,頭髮烏卒卒與爸爸一模一樣。跟柏豪於熱播劇《多功能老婆》中合作的朱晨麗與陳煒,齊齊恭喜對方。朱晨麗坦言他沒有提過做爸爸,聽到好消息都戥他開心,得知與B女同是12月2日生日即說:「係就更加要恭喜佢!以後可以一齊慶祝,咁有緣分!叫佢快啲再追多個,之後帶BB出嚟同我哋見面!」陳煒亦笑言一早看得出柏豪有潛質做好爸爸:「拍劇嗰陣,柏豪同飾演千嬅囝囝嘅佳佳好玩得埋,佢係絕對有潛質做好爸爸!佢一定係恨咗好耐,戥佢開心。」

至於同公司的歌手吳若希對柏豪秘密誕女,當然替他開心:「因為我都係人哋父母,好明白做人父母嗰種快樂,深深感受到小朋友係天賜嘅禮物。」與柏豪合作《使徒行者2》成為好友的黃翠如,直言已知道喜訊:「我知呀!佢之前有講過,好戥佢開心。佢個BB好靚、好多頭髮,同爹哋、媽咪一樣咁靚。」

陳煒讚周柏豪氹小朋友有一手,絕對是好爸爸。