【期待ing】有傳無綫食住個勢搵周奕瑋拍攝《周遊台北》

自從周奕瑋(Jarvis)主持嘅無綫旅遊節目《周遊東京》播出後,佢介紹嘅景點、餐廳都好貼地又實用,而且佢講得一口流利日語,令佢成為新一代日本達人。唔少觀眾都覺得Jarvis幾有新鮮感、主持得好好、同埋好鍾意佢同日本當地人嘅交流活動。節目除咗令佢人氣急升之外,無綫仲同佢簽埋經理人合約,正式成為「親生仔」。

最近有傳無綫食住個勢搵Jarvis拍攝《周遊台北》,介紹香港人最鍾意嘅台灣,向觀眾推薦台北食買玩嘅地方。其實香港人去台北已經去到超級熟,要搵到新景點,而且香港人唔識嘅有一定難度。

唔知Jarvis會唔會好似上次《周遊東京》咁揾到啲貼地、平玩、平食推介俾觀眾呢?