【有望打破《真情》紀錄】《愛·回家之開心速遞》宣布添食至900集

《愛·回家之開心速遞》添食至900集

無綫處境劇《愛·回家之開心速遞》自播出以嚟深受觀眾歡迎,劇情夠晒啜核搞笑,有時仲會有出人意表嘅暴走劇情,劇集嘅收視及口碑真係好過唔少大製作劇集。劇集嘅成功除咗編劇們嘅創意之外,當然唔少得一班演員嘅落力演出啦!唔少劇中演員更成功入屋,人氣急升,例如「大小姐」林淑敏、「送水輝」許家傑、「Terry」李偉健、「熊若水」呂慧儀、「細龍太」陳偉琪及「安仔」周嘉洛等等。早前一班劇中演員出席慶祝中秋節活動,期間高層曾勵珍宣布劇集又再添食至900集。

《開心速遞》唔經唔覺已經已經播到第663集(11日),唔知劇集有冇機會打破《真情》1128集嘅紀錄呢?

「熊若水」呂慧儀、「熊樹根」劉丹 &「龔燁」張景淳
「大小姐」林淑敏 & 「送水輝」許家傑
「Bonnie」林凱恩、「譚何容儀」吳香倫、「譚道德」陳榮峻 &「安仔」周嘉洛