【有名啦】古巨基晒B樣 腰果眼伸脷萌爆

好得意!

藝人古巨基早幾日宣布做老竇,跟手仲晒咗B仔個頭頂畀大家睇,不過冇樣就搞到唔少人都心癢癢。呢日基仔終於晒出兩張囝囝嘅正面相,基仔隻手摸住囝囝個頭,B仔個樣笑得好開心,對腰果眼出晒嚟,而另一張相就見到小朋友對眼好大,眼睩睩好精靈,仲要伸條脷出嚟可愛到爆!唔少網民都讚佢係Happy Boy,大個咗一定係開心果一名。

果然係一名Happy Boy!
對眼好大喎!伸脷仔萌爆。

除咗畀個正面樣大家睇之外,基仔仲公布咗囝囝個英文名「Kuson」,呢個名同佢創立嘅公仔「Kubi」有啲似,不過原來另有意思,佢喺網上查過呢個名嘅含意,囝囝英文名包含咗成功同耐性兩個元素,仲有就係充滿愛嘅人,唔少人都留言大讚基仔好有心思,仲祝Kuson將來可以同個名一樣,做個成功而且好有愛嘅人。

Kuson呢個名唔係亂改。
好有意思。