有個肥美豬年 李施嬅未得閒慶祝

東方日報
李施嬅有一大堆Job,得獎都冇時間慶祝。

李施嬅與黎諾懿前晚出席慈善晚宴,以無綫劇集《金宵大廈》中「Coco姐」造型亮相的施嬅,對於頒獎禮中獲得兩個獎項,她說當晚完成工作已是凌晨二時,故尚未有時間慶祝:「跟住飛北京一星期做動作訓練,返嚟先同班好姊妹慶祝。(農曆新年有冇假放?)會喺香港過年,之後再飛幾轉就去加拿大拍劇,完咗就拍電影。(過肥年?)係肥美嘅豬年。(點獎勵自己?)都想去旅行,希望鼠年可以更好啦!」

而諾懿則透露將獻唱好友鄭伊健的廣東歌曲,問到為何不唱國語歌,講「港普」出位的他笑說:「伊健都未出國語歌啦!我學咗普通話十幾年,呢啲Feel好似幾受歡迎,驚認真學咗普通話之後冇人再搵我做嘢,我啲南方國語,等我Keep多陣先啦!」

黎諾懿講「港普」的確「笑屎人」。