月前大肚開工慘被走數 孫慧雪嬲豬:好無良!

阿雪從6月追到11月仍未收到酬勞。

【星島日報報道】孫慧雪(阿雪)已為人母,B仔Riley都3個月大了,當時佗B中的阿雪依然開工賺奶粉錢,不過昨晚她在社交平台大呻被某公司走數,6月追到11月仍未收酬勞。她公開WhatsApp對話截圖,見對方都話會直接入票去阿雪銀行戶口,結果阿一拖再拖,最後甚至唔回覆阿雪。

阿雪無奈地留言問網民:「想問咁樣係唔係已經走咗我數?其實每次工作我都好盡力同好爽快地完成,然而每次追數都好似我要求人咁,有試過因為爭成年,我先開口問,都被人話我Chur住追數....但我真係做咗!自問都好有禮貌呀?點解要求出糧好似我做錯咁?呢單仲要大住肚來做,我覺得咁樣都走數,真係好無良,我好嬲呀!」

不少網民戥阿雪唔抵,叫她入稟小額錢債審裁處追討,阿雪再回覆:「好多謝大家咁關心我呀!其實該公司嘅前員工都同我講,話我而(依)家whatsapp緊嘅其實唔係佢,所以我都唔知邊個?而好多人已經中咗招,亦有好多人搵咗小額錢債向呢間公司索償,但佢哋真係同嗰啲人慢慢玩,日日上庭,就算判咗上告人勝訴,都有半年俾(畀)佢慢慢還!而佢地(哋)公司亦已經無再運作,有人話佢哋已用其他公司名,所以大家小心啲,都係簽晒文件先!或者要求deposit!!謝謝」。據知阿雪與該公司合作過幾次,都是遲出糧,想不到今次走數,當買個教訓。雖然嬲嬲豬,但阿雪不忘開心宣佈3個月大的Riley已有20磅重,更笑說自己的背肌同手瓜已練得非常發達。

睇更多