「最強奸角」方剛淡出娛圈後弄孫為樂 微博開PO: 絕不考慮讓兒孫們就讀香港或台灣島

方剛

現年71歲嘅資深藝員方剛(原名梁舜年),喺90年代電視劇《人在邊緣》飾演鄭細鳳,憑眼神及出色嘅演技,成功演活呢個大奸角,當時睇到唔少觀眾心都寒埋,至今依然令觀眾印象深刻。方剛息影多年,已移居內地,不過佢就好鍾意喺微博開PO,分享個人想法及溫馨家庭照,等大家可以知道佢嘅近況。

今日,佢除咗上載慶祝孫仔生日嘅照片之外,佢仲寫上疑似訓示港人嘅留言,仲話自己唔會俾孫仔孫女去香港同台灣讀書。

方剛微博

方剛喺1968年參加國泰電影公司演員訓練班,當年喺名媛嘅豪宅宴會中認識導演李翰祥,可惜就遭到家人反對入行,仲逼佢做服裝生意。方剛並冇放棄電影夢,不過後來面上長滿暗瘡,拍咗兩套實驗電影之後接受唔到自己喺鏡頭個樣,所以退出專心做生意。

1989年憑參演舞台劇《勾心鬥角》熱爆東南亞,之後被杜琪峯睇中,參與拍攝電影《天堂血路》。後來,佢去咗無綫拍攝《人在邊緣》,角色鄭細鳳奸到出汁,令佢被網民稱為「港劇史上最強奸角」,甚至連《大時代》嘅丁蟹都要輸俾佢。拍完《人在邊緣》之後,佢就去咗亞視發展,參演嘅劇集包括《勝者為王》、《豪門》及《戲王之王》等等。喺1996年,佢改名梁芳剛,並轉戰內地市場搵真銀。喺2004年,方剛喺內地拍攝劇集《浪捲紅塵》與劇組人員發生糾紛,當時佢仲話被恐嚇及敲詐,案件最終喺2008年完結。

方剛
方剛
方剛