最佳男配角競爭激烈 田蕊妮率先撐「龍貓」何遠東

《萬千星輝頒獎典禮2017》今年要就埋幾套台慶劇出街,延遲到喺下年1月21日舉行,「最佳男主角」、「最佳女主角」、「最佳男配角」和「最佳女配角」嘅候選名單日前已經公佈。

今年競爭非常激烈,特別係「最佳男配角」,淨係一套《降魔的》就已經有蔣志光、何遠東、黃子恆和胡鴻鈞爭同一個獎項,仲有《親親我好媽》何廣沛、《踩過界》張振朗、《同盟》歐瑞偉和《同盟》陳山聰等強敵。

今年好多人都睇好何遠東,因為今年係何遠東演技大爆發嘅一年,無論係《心理追兇Mind Hunter》飾演文哥嘅弒母戲份,還是《降魔的》飾演的士司機龍貓、死後回魂嗰幕嘅演技都備受讚賞,人氣急升。

就連喺《巨輪》飾演佢家姐嘅視后田蕊妮,都喊住話撐何遠東,佢仲話《巨輪》嘅時候已經覺得何遠東做得好好,係一個好努力嘅演員。但過往嘅頒獎典禮入面都冇見過佢提名,認為佢唔應該被人忽略。所以今次有份提名真係好感動,仲話如果何遠東攞獎仲喊得勁過自己得獎。

而何遠東就話睇到名單時都嚇了一跳,以為係整蠱節目,直至收到電話確認先相信,不過佢話今年競爭咁大,有提名當贏。

其實唔止阿田撐何遠東,一班網民都祝福同支持佢。