曾與霆鋒合作 大陸女星三家人確診新冠肺炎

大陸女星唐一菲咁啱今年返娘家武漢,透露家族有三人都感染新冠肺炎!

新冠肺炎疫情持續擴散,而曾參演王晶電影、與謝霆鋒合作嘅大陸女星唐一菲,生於武漢,佢喺一個節目中透過視訊現身,原來佢同老公凌瀟肅一家四口及父母正身在當地,家族有三人都感染新冠肺炎,可能係華人演藝圈首例!

佢話以往家人都喺北京過年,但今年春新年改咗返武漢,一開始覺得唔係咁嚴重,但覺得「情況不太對」比想像中嚴重,所以取消咗食團年飯,之後得知舅公、舅婆、阿姨都確診:「如果照常舉行的話,那我們今天也不能在這跟你們錄節目了!」依家佢哋一家八個人都留喺屋企避「炎」!

佢又透露確診家人病情漸趨穩定,但近80歲嘅舅婆比較嚴重,但生存意志堅強,所以都支撐得到!

帶埋仔女返去!
要留喺屋企避「炎」!