曾樂彤逢賭必輸靠老闆「填氹」

東方日報
曾樂彤踩過界拍劇,有機會與楊天宇鬥戲。

英皇藝人曾樂彤與楊天宇(Angus)喜歡農曆新年,皆因去年到老闆楊受成家中拜年,一眾師兄師姐容祖兒、Twins與古巨基齊集,單是(逗)利是已大豐收!講到會否麻雀耍樂或小賭怡情一試運氣?Angus說:「去老闆屋企個個都係好運,唔會輸錢走(o架)!」曾樂彤解釋因老闆闊綽:「唔會畀我哋輸錢。」又坦言從不愛賭:「覺得賭錢贏番嚟嘅運氣,係換咗我成年嘅好運!我成家人逢賭必輸,連買藍籌都輸!」

踏入鼠年,Angus希望工作陸續有來,問到拍戲為主的他可想跟曾樂彤到樂壇進發?他笑說:「我第一日見Mani(經理人霍汶希),佢都叫我唱幾句嚟聽吓,唱咗半句就畀佢嗌停:『走音喎!』(你五音不全?)三音半啦!仲有進步嘅。」而曾樂彤則想在唱歌以外多作嘗試:「今年會參與多啲拍劇嘅工作,其中一部Angus都有份拍,希望多方面發展。」