暖男當道!學張繼聰氹老婆招數

唔關天氣轉涼事,不過近期最受歡迎嘅男人類型叫做暖男。就好似張繼聰咁,同女神謝安琪(Kay)結婚多年仲係咁恩愛,靠嘅就係夠「暖」。唔少女士都話揀老公,要揀張繼聰!男士們學嘢喇!


張繼聰同Kay結婚多年,雖然起初經常被恥笑係「廢柴老公」同「謝生」,不過佢並冇自我放棄,仍然默默耕耘。由歌手轉型做演員,去到依家喺無綫拍劇拍到做男一,仲勁有觀眾緣,套套劇集都好評如潮,更榮升為新一代爆肌男神。加上同老婆雖然結咗婚咁耐,仍然經常大晒恩愛,對老婆百分百支持,被公認係「廿四孝老公」,可以話係娛樂圈愛妻號嘅代表。 

就算早前老婆整花咗張繼聰嘅愛車胎軨,佢都只係話「唔緊要啦,軨是要用來弄花的嘛,最緊要你(Kay)人無事嘛!」雖然心痛,但係都繼續關心老婆,真係好老公!

除咗將老婆擺第一位之外,仲要夠恆心,唔可以偷懶。就好似每年老婆生日,佢都會貼出一幅謝安琪嘅靚女相,仲會以「My Lady」形容老婆 ,真係閃爆一班網民對眼!

除此之外,老婆梗係要嚟氹架啦,所以識講嘢都好重要㗎!張繼聰時不時都會po幾句冧老婆,好似「多謝你,在我臨瞓前,起身擘大眼都見到啲靚嘅人」、「無論時光倒流幾多次,我都會娶你做我老婆。」等等。男人們,明唔明?

而當Kay被網民批評產後身形走樣,又經常被質疑整容。張繼聰就發長文回應「太陽係喺東邊升起,係唔需要證明,又唔使討論,因為係事實。就好似我覺得我太太有幾靚一樣!」「我老婆係唔會變番以前,而係會比以前更健康,更fit(更靚我就唔敢講啦,因為喺我心目中已經好盡吓,不過唔介意再盡啲)。」而近排老婆再被批評嘅時候,張繼聰終於忍唔住喺社交網站還擊保護老婆,咁Man唔怪得知謝安琪甘心做賢妻良母啦!

所以話,好老公一定要夠「暖」,再加多幾舊肌肉就真係無敵啦!

【森美搜尋器】​​由「廢柴老公」​走到今時今日嘅張繼聰​
今集森美同張繼聰講返內心世界,提起阿聰 2017 年 11 月喺社交網絡 POST 一篇自爆曾患抑鬱症嘅長文,由張繼聰親身講返自己經歷過乜嘢,點樣將自己放棄之後仲重新企返起身!

早前大台「封胸令」一出,網民即刻笑講以後就靠男藝人露肉啦!原來網民對阿聰嘅身體部份都好感興趣,兩人互相講緊點樣 鍛鍊肌肉嘅同時,發現原來阿聰對練無聊嘢去追女仔都有一手,即刻 去片睇睇!


今集搜尋關鍵字 ​​

|張繼聰抑鬱症長文:http://bit.ly/2BuSILK

​​|當年謝安琪得獎片段:http://bit.ly/2jHPUUi​