【晚間看地球】余德丞接力陪Do姐追極光 再一齊食麋鹿

【晚間看地球】余德丞接力陪Do姐追極光 再一齊食麋鹿

《晚間看地球》昨晚一集因C君要返香港,所以由嘉賓余德丞(Dickson)頂上,同Do姐以及陸永一齊去追極光同埋搵麋鹿。一行人去到野外螢火會時,極光未出現,但無阻陸永買口乖,對住Do姐表示:「我暫時望住我認為嘅極光先」嘔心得嚟又真係博到Do姐一笑。話口未完,極光終於出現,Do姐即時少女心爆發,由於極光加上滿天星星,令陸永大感震撼,並笑言:「我從來覺得極光就係你(Do姐)既嘅光芒,呢嘢壇可以同你媲美。」

其實喺挪威,除咗極光之外,麋鹿亦都非常值得一睇。由薩米人經營嘅麋鹿場「TROMSØ ARCTIC REINDEER」,除咗有得餵養300多頭麋鹿之外,仲可以乘坐雪橇,不過樣樣都係錢。如果好似想Do姐咁被麋鹿重重包圍,約需118美金(920港幣),餵完想坐麋鹿雪橇的話,15分鐘嘅短途收費為140美元(1092港幣)、30分鐘嘅長途收費為172美元(1341港幣),如果要好似Do姐咁睇夜景,咁就只能選擇194美元(1513港幣)嘅Night Sledding。以上行程除咗提供熱飲之外,仲會有一碗傳統麋鹿湯……餵飽、騎完再食埋佢,呢個一條龍tour真係好奇妙。

點擊瀏覽《香港01》更多內容和圖集

你可能感興趣:
【早霸王】男聽眾為心儀對象親自下廚 森美:我唔信你無食埋糖水
【晚吹】學生記者大申訴:系主任曾反對採訪任何反送中活動