【晚吹】服裝店店員爆料:試過有內地人用錫紙袋偷千幾件衫

【晚吹】服裝店店員爆料:試過有內地人用錫紙袋偷千幾件衫

ViuTV節目《晚吹 - 又要威 又要戴頭盔》之前搵過波鞋店店員做嘉賓,分享一啲行內術語,而最新一集,就搵嚟連鎖服裝店店員爆料。搲折,似乎係每個店員都會遇過嘅事,有客為咗一個少少折扣,特意將正價商品放到特價區,亦有客人以「換貨係無限期 」為由,竟然將兩年前嘅貨拎去換,連幾位嘉賓都話「有毅力的話可以無限換」,亦有店員遇過一名媽媽要求退貨,雖然件衫有晒價錢牌,但明顯地有咖哩漬,當店員表示有污漬唔可以退時,對方竟然話:「我買嗰時已經係咁(有污漬)……」 

除此之外,店員表示遇得最多嘅一定係偷嘢,而內衣係一致公認最易得手。「試過成疊衫唔見曬,睇返CCTV先知有人將疊衫一次過掃落袋就跑走,咁我哋門口無保安,所以好易得手。」另一店員並表示試過喺試身室見到30幾個明確地被拆下來嘅防盜,當中不乏有連埋布料,即係話客人直接將防盜喺件衫上剪下來。「有內地人會用錫紙做嘅袋放衫,防盜完全偵察唔到,一偷就二千幾件。」為咗偷嘢可以去到幾盡?

講完偷嘢,又再講下難忘事,其中一位曾經負責過試身室嘅男嘉賓表示:「有個4、50歲女性,佢開門問我『你覺得呢個bra好唔好睇?』靚唔靚都好真係好尷尬,答佢又唔係,又唔可以閂佢門……」最後呢位店員哥哥選擇唔答,其實都可能係一個好答案! 

點擊瀏覽《香港01》更多內容和圖集

你可能感興趣:
【旅巫】ViuTV節目玩到南美 余逸思陳韻行親嚐另類治癒術
【3日2夜】孖陳婉衡玩高空攀繩 簡淑兒嚇到喊手騰腳震全程講英文