《是咁的,法官閣下》林秀怡搶戲 更被指激似呢位女優……

東方新地 - 娛聞

無綫台慶劇《是咁的,法官閣下》熱播中,劇中講述不少新晉律師的辛酸,及法律行業鮮為人知的一面,觀眾評價都唔錯!其中飾演大律師的林秀怡亦獲網友大讚,不過唔講唔知,原來林秀怡身材都幾唔錯㗎,仲知道網民話佢激似某位日本女優……

原文:娛聞樂|圖片:Instagram、劇集截圖

延伸閱讀:

《義不容情》第1-4集劇情 | (附精華片段!)藍潔瑛演活窮媽媽梅芬芳 捲入涉謀殺案被岳華判死刑

黎明 袁詠儀 掀唐朝古裝煲劇潮《將夜》鬥《唐磚》邊套吸引啲?

林秀怡近年開始入屋

就咁講林秀怡呢個名,觀眾未必好有印象,但其實佢近年演出不少,其中喺《不懂撒嬌的女人》飾演唐詩詠的三個八婆仔朋友之一,經常圍埋講是非~

唐詩詠與劇中「三大八婆」。

《三個女人一個「因」》演出生鬼

另外就係《三個女人一個「因」》,林秀怡飾演袁偉豪的妹妹利東伶,男仔頭性格率直爽朗,與林景程飾演的白狀為一對歡喜冤家,劇集收視高開之餘,林秀怡亦更為入屋!

利東伶與白保運~

《 怒火街頭2》赤裸博到盡

林秀怡更曾在《 怒火街頭2》作赤裸演出,飾演被逼藏毒的孕婦,並於網上得到一致好評。

多份兼職幫補家計 試過網上賣安全套

1991年出世的林秀怡今年27歲,2008年時參加第23期藝員訓練班入行,不過入行初時演出機會不多,收入不高,多年來努力慳錢養家,曾靠藝人朋友二手衫接濟、返多份兼職幫補家計,網上賣安全套都試過!如果都總算捱出頭,希望林秀怡會有更多演出機會啦!

林秀怡與朋友合資在旺角開設意大利餐廳。
高Ling都有去過捧場~

《法官閣下》戲份多

今次《是咁的,法官閣下》算是林秀怡戲份較重的劇集,佢接受傳媒訪問時,表示估唔到大家對其演技會有咁好的評價,多謝大家咁留意佢,亦希望大家會喜歡呢套比較新類型的劇集!

身材有睇頭:

喺劇中演大律師,大部分時間都係以行政人員服飾示人,但其實佢身材相當有睇頭!

林秀怡

被指與日本女優撞樣

甚至有網民發現林秀怡同日本女優水野朝陽撞晒樣!林秀怡就話自己有上連登高登等討論區,所以都知道呢件事。不過佢本人就話覺得唔太似,因為對方靚好多,身材勁好多!大家覺得呢?

TVB女星
TVB女星

傻傻分不清!盤點10對與女優撞樣女藝人

吉澤明步 VS 鄧麗欣

香港人對吉澤明步特別有親切感,好大程度係因為佢多年來被指與藝人鄧麗欣(Stephy)撞樣,更封佢為「暗黑Stephy」!網民經常將二人之樣貌、身材作比較,但諷刺的是絕大部分人都認為吉澤明步比Stephy更勝一籌。早年吉澤明步接受訪問時,曾表示對自己被指似Stephy一事感到高興,更說希望有機會聽對方唱歌,不過可能因為佢唔清楚Stephy嘅唱功…

Stephy喺電影《72家租客》反扮吉澤明步!

吳若希 VS 羽田愛

歌手吳若希早年出道時,就被指與日本AV女優羽田愛撞樣,所以網民幫佢改咗個花名做「羽田若希」!2014年時羽田愛宣布引退,吳若希仲喺FB post咗張羽田愛「引退作」的圖片,幽自己一默話自己冇引退,叫大家放心~

呢位大家都知係吳若希
呢位係AV女優羽田愛
大家覺得似唔似樣?

泳衣照比較

森美重提吳若希似日本女星

之前《森美旅行團2》其中一集,眾人掃完海鮮就喺外面開餐,吳若希同麥美恩繼續講緊頭先點點講價,又話因為靚女先咁抵乜乜乜。呢個時候森美恍然大悟咁,指住吳若希講:「我記得啦!佢好似日本一個明星㗎! 」

吳若希聽到後即時張口狂笑!

森美當然就係講羽田愛啦,節目仲為大家提供對比圖,望望啲眼耳口鼻係咪咁似先!

丁子朗紅都面晒

一講日本女星,丁子朗即刻笑到停不了!
睇過咁多片?咩片呀?
雖然個「紅都面晒」只係後期效果,但小編有理由相信丁子朗真係有睇過嗰位女星啲片!

馮盈盈 VS桃谷繪里香

港姐冠軍馮盈盈經精喺大台節目《後生仔傾吓偈》大爆出位言論,曾經有一集眾人討論AV,盈盈就話覺得蒼井空好吸引,並以老師專稱蒼井空,語氣非常敬佩,話唔定盈盈都係蒼井老師嘅「學生」,跟老師學習過!

馮盈盈「性博士」上身

重點係盈盈仲自認似AV女優桃谷繪里香,當陸浩明話唔識時,佢仲大聲叫對方上網搵吓!

AV女優桃谷繪里香

Rose Ma VS明日花綺羅

模特兒Rosa Ma(馬俊怡) 擁有34D豐滿上圍,出席活動時例必狂騷火辣身材,近年大受宅男歡迎,今年書展仲出埋寫真!不過更多人討論的是,Rose Ma同日本神級女優明日花綺羅好鬼似樣,網民仲封Rose Ma為「暗黑明日花」!

日本AV界女神明日花綺羅,唔使多介紹啦?
短頭髮的明日花同Rose Ma更似?

早前明日花來港同Rose Ma合作拍廣告,片中「兩姊妹」齊齊白色tube top上陣,狂騷事業線,睇到大家鼻血狂流!Rose Ma就謙稱身材唔及明日花,又大讚對方五官精緻好靚女。

🤭 呀廣告出了 不過大家要去HMV digital China group 個Facebook page到睇完整版🤭💕

A post shared by Rose Ma 馬馬 🇭🇰 ローズ (@roserosemama) on Sep 15, 2018 at 7:14am PDT


蔡思貝 VS希島愛理

大台藝人蔡思貝近排被唔少網友讚靚咗好多,演技又進步咗,雖然暫時無劇出街!不過呢位叫希島愛理的日本女優,同樣束中長髮型,水汪汪的大眼睛加上微翹雙唇,望落同蔡思貝真係好相似!而且小編有理由相信,佢演技應該比蔡思貝好!


作為一個AV女優,希島身材唔算非常出眾,不過身形均勻、皮膚白皙,走鄰家女孩路線應該相當不錯。望得愈耐,就愈來愈分唔清佢同蔡思貝……

謝安琪 VS 友田彩也香

歌手謝安琪除了歌藝精湛,仲係出晒名的索人妻,依家生咗兩個小朋友都一樣不減風采!而30歲女優友田彩也香素有「AV謝安琪」的稱號,佢早年曾到港拍攝電影《三條友飲醉走》,跟主角陳家樂有不少對手戲。當時友田本人表示曾看過阿Kay的照片,不過就認為阿Kay比自己漂亮所以覺得自己跟對方不相似,夠晒大方得體!




友田彩也香曾拍攝香港電影《三條友飲醉走》。

林志玲 VS 波多野結衣

台灣第一名模林志玲相信不用多介紹,有「暗黑林志玲」稱號的波多野結衣更是更是日本神級女優,兩人樣貌、身材都係女神級!林志玲早年曾到日本與木村拓哉合作拍攝劇集《月之戀人》,可惜收視仆直,所以在日本的人氣自然大大不及波多野結衣啦!

陳婉衡 VS Julia

31歲女優「京香」Julia擁有J Cup超誇張身材,在成人動作片界人氣極高,甚至於亞洲各地都有甚高知名度,為現時最具代表性的女優之一。不過香港代表亦唔輸蝕,TVB「乳神」陳婉衡都有36E逼爆上圍,兩人樣貌、氣質都十分相似,大家鍾意日本妹定港女?


胡杏兒 VS 蒼井空

索媽胡杏兒和「屬於世界的」女優蒼井空,呢一對亦是公認的相似,杏兒曾在賀歲片中假扮蒼井空便可見一斑。蒼井空退出AV界後轉往演藝圈發展,曾參演多部電視劇及電影,人氣不比以前低!早年蒼井空接受訪問時,都認同杏兒撞樣:「我覺得嘴同下巴最似。」



杏兒及蒼井空都已成人妻,杏兒仲有個可愛兒子Brendan,得意萌樣甚得網民喜愛,成為新一代人氣星二代!

Angelababy VS Rio

Angelababy同AV女優Rio(柚木蒂娜) 同為混血兒,所以兩人同樣擁有深邃輪廓、精靈大眼睛,更有一段時間大家都係一頭金長髮,所以真係孖生姊妹咁!最巧合係兩位女神都被指「變靚」咗,以前同依家樣貌好似有啲唔同,果真「女大18變」!

呢位係Angelababy
呢位係女優Rio


如今Angelababy已成人妻,同老公黃曉明鬼咁sweet,仲有囝囝小海綿。
而Rio亦早已退出AV界,現時留有一頭清爽短髮,一樣咁靚女!

延伸閱讀:

麥明詩:「佢哋平時放咗工做呢啲㗎!」 大爆律師最不為人知一面!