昔日「性感女神」趙碩之加盟《愛·回家》同Icy爭KC

趙碩之 & 歐瑞偉

無綫處境劇《愛·回家之開心速遞》自播出以嚟,收視及口碑都好過唔少重頭劇集,深得觀眾愛戴。而一班劇中演員更深受觀眾愛戴,入屋成功。每次劇集有新演員加入都會引起關注,繼早前嘅盧宛茵、歐陽震華、姜麗文及陳煒等,上星期加入嘅趙碩之同樣引起網民留言。

趙碩之

上星期嗰集嘅劇情就講到KC(歐瑞偉飾)幫Terry(李偉健飾)搵老婆,大龍生(羅樂林飾)就想搵未拍過拖嘅楊家千金超芝(趙碩之飾),咁啱KC又由細睇超芝大,幫手撮合超芝同Terry,意圖鞏固大房地位。點知後來KC誤將喺育嬰室中嘅媽媽裸露於人前,令佢成為女性公敵,仲有媽媽將有屎嘅尿片掉向Icy(岑杏賢飾),喺呢個時候KC幫佢擋咗。除咗將事件平息之外,KC仲成功奪得超芝嘅芳心,變成四角戀關係。

現年32歲嘅「性感女神」趙碩之,最為人所知係當年以性感形象做o靚模,當年佢嗰本寫真集銷量達40,000本。另外,曾經參與無綫及唔少電影拍攝,例如無綫劇《盛裝舞步愛作戰》、《絕代商驕》及電影《一路向西》等等。不過人紅自然是非多,有傳佢擅自上載與監製錢國偉嘅泳裝照,之後就被無綫封殺。

之後幾年趙碩之走健康形象,仲試過進軍舞台劇。喺上年加盟邵氏,《踩過界II》係佢第一套參與嘅劇集,睇嚟之後都有唔少機會喺電視機見到佢啦!

趙碩之
趙碩之
趙碩之
趙碩之
趙碩之
趙碩之