【早霸王】女聽眾有感愛情變親情 森美:咁樣好易變黃面婆

【早霸王】女聽眾有感愛情變親情 森美:咁樣好易變黃面婆

喺最新一集《早霸王》嘅「你知道唔知道有人掛住你」環節當中,女觀眾Sherry表示自從生兩個小朋友後,有感同老公嘅愛情已變為親情,所以希望透過節目可以同老公重拾昔日嘅戀愛感覺。

Sherry表示當年因去英國探朋友已識到呢位老公,雖然一直都係long d,但由於每日都可以透過視象見面,所以感覺對方好似喺自己身邊一樣,佢仲話「大家相處唔多,但愛意好濃,不過而家生活迫人,愛情好似轉為親情。每日話題都係小朋友。」她更笑言而家雖然坐緊月,但就十分期待返工,因為每次見到小朋友喊時都好頭痛。 

講到如何保鮮愛情,相信結婚19年、育有一仔一女嘅森美絕對有唔少心得。佢首先問Sherry:「你會唔會同老公講話好想錫你?」並分析表示:「生左兩個小朋友,年紀亦都差不多,可能已經對老公開始失去興趣,女人當生咗之後,身體會發出訊號『唔使再生』,當覺得唔使再生可以收工時,同老公嘅親熱意念亦都會收工。」他指出當女性身體有呢個訊息時,荷爾蒙亦會開始減少,「個樣就會開始愈來愈殘,結果就會變成黃面婆。」一聽到黃面婆、老公對自己乏味等字眼時,Sherry即時變得緊張,森美即時教路「你要記得唔好收工」,並指呢個係最有效嘅方法。 

點擊瀏覽《香港01》更多內容和圖集

你可能感興趣:
【早霸王】深圳男聽眾收女神聖旨表白 點知港女話自己戀愛中……
【早霸王】小儀友人遇主動女 首見面即進擊:成件事好有幻想空間