日本援助防疫 山西衛視停播抗日神劇《紅高粱》

《紅高粱》(網絡圖片)

新型冠狀肺炎(武漢肺炎)疫情持續擴散,唔少內地城市封城,市民連街都冇得出,唯有選擇喺屋企追劇啦!點知山西衛視突然喺2月9日停播由周迅、朱亞文、黃軒、秦海璐等人主演嘅抗日神劇《紅高粱》,改播其他劇集。

追追下冇得睇,有網民就發傳訊俾山西衛視求證,佢哋就回應話因為《紅高粱》後20集主要都係抗日情節,鑒於最近日本對我國抗擊疫情表現出了前所未有的友好,所以後20集會暫緩播出,之後會安排重播。

劇集喺2014年首播,以1930年代做背景,講述九兒(周迅飾)出嫁時碰上土匪,幸好抬轎人從土匪手中救出九兒,二人互生好感.。之後會有不少抗日情節,例如有九兒引日兵到高梁田,諗住自己與日軍同歸於盡。

內地媒體表示早前日本緊急捐贈100萬個口罩俾武漢,令唔少內地民眾都好感激,所以暫時停播抗日情節。

《紅高粱》(網絡圖片)
《紅高粱》(網絡圖片)