日本大熱男男愛情動漫片 《鳴鳥不飛》有望挑戰全年賣座冠軍

日本一向係動漫帝國,電影方面亦有唔少改編自動漫嘅真人版本電影。就算唔真人化,動畫本身出電影版,好似「多啦A夢」、「Pikachu」等都非常受歡迎。不過留意開日漫嘅朋友都知道漫畫種類非常多樣化,由兒童適宜、偵探、暴力、靈異等咩都有,而且仲有獨特嘅Boy’s Love (BL)漫畫!

BL動漫最初主要對象為女性,鍾意睇BL嘅女fans會叫自己做「腐女」。漫畫內又會有特定分工,主角們通常分為「攻」同「受」,點攻點受都再有分類,故事劇情一定係男男之間嘅戀愛,因為主要對象係女性,所以角色設定同現實同性戀愛情關係又略有不同!BL本來屬小眾口味,不過唔好睇少女性讀者嘅幻想力同消費力,依家BL慢慢發展成受歡迎漫畫種類,入去日本漫畫店,好易搵到大大個BL專區!

因為越來越多人睇,BL都唔再係腐女專享產物,讀者群遍佈各個年齡層仲男女通殺。近日大受歡迎、由「BL漫畫天后」Kou Yoneda所著嘅漫畫《鳴鳥不飛》推出電影版,連型佬福山雅治都有睇,仲喺自己個電台節目大讚作品「超正」,仲講笑話想改個名嚟拍BL劇!

電影版《鳴鳥不飛:烏雲密布》故事講述黑幫「真誠會」二當家、同時係「真誠興業」社長矢代,係個性愛成癮的超級被虐狂,雖然他被外界戲稱為「公共廁所」,濫交又隨便,卻從不讓人輕易看透真心。某天,他身邊來了一位名叫「百目鬼」的隨從兼保鑣。

雖然矢代早就下定決心,絕不對部下出手,卻深深地被百目鬼的特質給吸引。反觀百目鬼即使被矢代的美貌所引誘,卻又因為自己的某個理由,無法對矢代做出任何回應。對自我感到矛盾的矢代、對矢代幾近愚忠的百目鬼,彼此懷抱傷痛的兩人,想愛又不能愛嘅淒慘愛情故事。

《鳴》之所以男女通殺,同作者本身係北野武fans不無關係。佢喺漫畫內加入大量黑幫、暴力元素,對角色刻畫亦相當用心,於漫畫中斷斷續續交代矢代童年時受繼父性侵嘅悲慘過去,因為創傷導致成長後性格壓抑、冷漠等,故事結構細膩嚴謹,加上大膽性愛場面,一推出旋即引起話題!

台灣早2星期上映《鳴》,雖然受新冠肺炎影響,不過票房成績亮眼,仲有滿座情況,有望挑戰今年最賣座日本電影寶座!香港都有唔少動漫迷,點解上畫嘅動漫電影類型咁少嘅?BL動漫一定唔會有得睇囉!