方力申45公里環島遊練水博晒命 眼紅流淚起晒雀斑:游到我抽筋

方力申45公里環島遊練水博晒命 眼紅流淚起晒雀斑:游到我抽筋

距離方力申參與的「香港環島泳45公里慈善挑戰」正式日子還剩約一個月時間,由4月開始練水的他在日前竟然揚言有放棄的念頭,將一段自己練水後雙眼通紅、不停流淚兼滿面雀斑的短片分享至個人Instagram。其實早前小方已經分享過一段在海上練水練到頭暈,要在海中心嘔吐減壓的短片,有不少粉絲和網友亦對小方的狀態非常擔心,然而小方亦未有氣餒,不過最近有一次練水(15公里)的經歷,就令小方萌生放棄的念頭。

最怕原來係遇上逆流

其實要在海上游水,無論安全、飲食、大小二便、全部都可以靠附加措施去解決,但要面對大自然的瞬息萬變,小方亦只好打定輸數:「游咗15公里,總共五個幾鐘,隻眼紅紅哋,又好多斑。今日最特別嘅地方係由赤柱返淺水灣嗰段,我平時游30分鐘可以游到1600至2000米,但嗰段路,我游咗30分鐘先游得嗰500米!」其實小方的速度只剩3 分之1,比事倍功半的情況更加差,最主要原因就是遇到海上逆流:「仲游到我抽筋,哇!爭啲想放棄,差啲想問有冇船可以載我返淺水灣!所以如果11月5日當日係有逆流嘅話呢,唔使諗,一定游唔完,所以除咗大家支持之外,仲要聽天由命!」

點擊瀏覽《香港01》更多內容和圖集

你可能感興趣:
周潤發跑步拍片支持 方力申:在眼睛最不適的那天收到份外窩心
方力申退役15年後再參賽得第三名兼受傷:對眼咁又游成咁雙重打擊