方力申退役15年再戰世界泳賽

東方日報

現年40歲的「飛魚王子」方力申,去年在香港環島泳45公里慈善挑戰中,以10小時43分06秒完成。曾是香港游泳代表隊的他退役15年,昨日在社交網表示或會出戰明年在日本舉行的「World Masters Championship」(世界先進游泳錦標賽):「可能就是我現在繼續練水的目標!衝前三名是我再上一級的目標。可是,還有一年半的時間,對於一個成年人來說,存在太多變數了。做唔做到,我唔知;但依家唔開始做,到時就一定做唔到!」

他受訪時表示:「仲有一年半時間咁遠,未知練成點,練得好一定去。今次我會游40至44歲組別。都有啲顧慮,如果之後工作忙,怕唔夠時間練,始終出差工作,唔係間間酒店都有泳池。(有咩目標?)希望可以達到Top 3,如果唔夠時間練,都希望有Top 8嘅成績。」