方便舊角色回歸?《八時入席》KC都係叫KC

無綫處境劇《愛‧回家之八時入席》接《愛‧回家》棒喺月頭開始播出,雖然首播收視高開平均29點,最高30點,但係唔少網民認為新鮮感欠奉、劇情悶、劇集內容(主要講電視城)同劇名完全無關、浪費咗黎耀祥同毛舜筠等等。

去到噚晚,劇情講到阿細(毛舜筠飾演)決定調職去製作部,第一日返工就遇到監製KC陳國聰(歐瑞偉飾演)與副導演Terry(李偉健飾演)過嚟聲稱借文件睇,其實係攞料,正當阿細想遞俾KC嘅時候,邦主(黎耀祥飾演)出嚟阻止。

雖然佢哋同之前角色無關係,但係人物性格完全一樣,Terry仍然跟喺KC後面。唔少觀眾見到佢哋都好開心,有返少少以前《愛‧回家》嘅感覺。其實叫返佢哋舊名,係唔係方便馬家回歸呢?