新MV疑偏心MIRROR呻難分勻

1 / 2
星島日報相片

【星島日報報道】湯怡、陳家樂及男子組合MIRROR前晚出席英皇電影《死因無可疑》首映禮。家樂表示自從賀歲片到訪過戲院後,今次再度踏足戲院好大感觸:「雖然仍然有『限聚令』,但見到大家心情好返好多。疫情半年間休息了一段短時間,之前太多工作,令自己迷失。」當笑問他最大收穫是追到連詩雅,他則謂找返工作熱誠。至於可有請對方到場?家樂則避談指邀請好多朋友,就算未能到場亦會推薦給朋友買飛支持,承認有睇到對方主演的劇集,但未留意其戲分。

湯怡表示有朋友認為她好離地,以前沒太多情緒,但日前睇過該片優先場後,覺得她在戲中的表現終於有起伏,皆因扮演刁蠻女生。

至於MIRROR談到新歌《IGNITED》的「Too Hot To Handle Version」MV被網民認為經理人兼MV導演花姐對姜濤、Ian和Anson Lo偏心,對此隊長Lokman指一首歌分勻給12個隊員不容易,每首歌有自己的特色,每人也不同。姜濤坦言事前未有預測外間有這種反應,首個Version希望大家專注跳舞方面,未想過搶鏡的問題。

文:鄺芷瑩 圖:鄧國良

■湯怡、陳家樂齊現身新戲首映。

■MIRROR新MV被指對某些成員較偏心,姜濤(中)坦言未想過搶鏡的問題。