新歡舊愛冇隔夜仇 林志穎霍建華世紀合照

台灣不老男神林志穎尋日(25日)趁端午佳節,就拎住糉周圍請人食,天時地利人和下,佢請吓請吓竟然請到去林心如老公霍建華面前,二人仲同埋歐漢聲齊齊頭貼頭合照,並在社交網甫相,即惹嚟眾網友熱論,大嗌係世紀合照。張相到底邊度有花生位?

早在1995年,林志穎同林心如合作電影《校園敢死隊》時傳出緋聞,兩人後來不了了之,一直去到2006年林心如代班《康熙來了》時終於同林志穎同台,林志穎承認當年因聚少離多分手,並笑言林心如異性緣太好係二人情變導火線。如今林心如已同霍建華結婚多年,又育有一女,而林志穎又同圈外女友陳若儀結婚及育有三子,各有各幸福生活,難怪霍建華今次同林志穎見面,網友都直言佢哋夠晒心胸廣闊呀!


林志穎(右一)同霍建華(中)終於都世紀合照。
林志穎仲甫埋太太陳若儀靚相,係開心嘅。
依家林心如同霍建華都咁幸福,以前啲嘢唔理喇~!