新搞作!碧咸傳將與Netflix及BBC合作拍料理真人騷

碧咸

唔少女士都想搵個溫柔體貼、靚仔又顧家嘅男人,如果識煮嘢食就更加perfect啦。而英國「萬人迷」碧咸(David Beckham)就符合晒以上嘅條件,好老公同好爸爸形象更加深入民心。以為佢已經達到完美男神境界?啱啱就有消息指佢目前正同緊Netflix及BBC等洽談計劃拍攝一套以料理為主題嘅真人騷!

碧咸

原來由於新冠肺炎嘅關係,佢經常留喺屋企,同囡囡Harper Seven一齊下廚煮嘢食,而且仲重新整理佢媽媽留低嘅舊食譜,將菜式逐一炮製出嚟,令到呢位一向好識享受美酒佳餚嘅萬人迷都迷上下廚。

碧咸

可能你會話鍾意煮嘢食,未必煮得好食嘅,不過如果你有個好朋友叫Gordon Ramsay嘅話就唔同講法啦!呢位前球星同「地獄廚神」Gordon Ramsay一向老友鬼鬼,因為Gordon未投身飲食界之前嘅志願就係做足球員,所以同碧咸一見如故。而之前碧咸客串Gordon嘅IG live煮食節目時,得到呢位廚神老友嘅鼓勵,激發起佢有呢套料理真人騷嘅構思!

如果真係成事,到時望住呢位完美男神煮嘢食,一定睇到一班觀眾心心眼!

碧咸
碧咸