新慳妹劉溫馨慶功宴打包當三餐

1 / 2

新慳妹劉溫馨慶功宴打包當三餐

劉溫馨自言曾陷迷失期,但從未想過離開娛樂圈。

【東方日報專訊】2013年參選港姐的劉溫馨樣子甜美兼身形Fit爆,加上出身於北京中央戲劇學院,參選時已被睇高一線,可惜只得「梗頸四」,令她一度對前路茫茫:「唔知下一步應該點!我18歲就決定演戲,最差嘅時期都冇打算放棄,後嚟公司叫我讀訓練班,但過去三年都喺綜藝節目方面發展。」她又坦言會以「最佳女主角」為奮鬥目標,曾因旁人的冷言冷語而感洩氣:「好似網民話我『茄哩啡』,仲有其他難聽嘅說話,我都會在意嘅!試過自己匿喺屋企喊,喊完就冇事。」

幸好今年「守得雲開」,溫馨先後拍攝《飛虎極戰》與《誇世代》等大製作,最近更有首個廣告出街,知名度提高不少。不過,她的生活依然「貼地」,父母在日本做生意的她不想靠父蔭:「我覺得18歲後應該要自己照顧自己,父母想幫我但我唔會要(錢) 。依家我只可以保障到自己嘅生活,暫時冇錢拎返屋企,覺得好遺憾。」溫馨透露租金已佔收入三分一,其他支出慳得就慳:「冇事就匿埋喺屋企,試過日食一餐,又試過出席慶功宴後打包返屋企,跟住嗰日三餐都食佢!平日無論素顏定化濃妝都逼地鐵。」訪問當日,她一個人提着大袋小包趕至,完成後「逼小巴」離開!

化妝:Celia Ngai@Celia Makeup

泳衣:Blossom