新城取消傳統頒獎禮!歌手自行到電台領獎?

據知新城將傳統頒獎禮改變形式。

一年一度樂壇頒獎禮即將揭幕,鑑於連月來社會運動不明狀況,很多活動、演唱會都取消或改期,繼《第42屆十大中文金曲》上星期宣布決定取消今年的頒獎禮及音樂會,據東網收到消息,《新城勁爆頒獎禮》原定12月28日假灣仔會展舉行,但因當日正是周末「高危」的日子,據知新城也決定取消過往傳統的頒獎禮,將會改變頒獎形式,由於要遷就歌手檔期,好大可能會分拆不同日子頒發及公布各獎項,並邀歌手到電台攞獎,但詳情新城則還在考慮當中。

據知今年的頒獎禮將進一步數碼化,以線上頒獎禮形式,配以AR擴增實境創意互動遊戲,拉近歌手與樂迷之距離。

新城知訊台執行總監程凱欣回覆東網指︰「正如之前所講,新城勁爆頒獎禮係會照常舉行,不過之前提過今年嘅方式會比較同以前唔同、破天荒,所以唔可以話某一日會係頒獎日,或者有一個實體嘅頒獎典禮。個形式係隨時隨地發生,唔係喺一日裏面發生、亦都唔會淨係喺Studio。」續透露今年頒獎禮口號是「音樂共享,拉近距離」,利用新科技及全新平台「新城至Hit賞」,希望歌迷透過這個平台投票。