新地尋寶:55歲關詠荷出道33年、無綫亞視靚相回顧!

87年出道的關詠荷,經常在無綫深宵時段重播的經典劇集中出現,不論是《美味天王》還是《烈火雄心》,都有機會見到消防隊長「沈碧瑤」、美味天王「秦蘇蘇」或者係陀槍師姐「朱素娥」,以下為大家找來關詠荷 (Esther) 初出道同早期經典靚相,重溫呢位前亞視同無綫當家花旦嘅天仙靚樣!

文:卓奇 圖:東方新地(1128期)

關詠荷1987年出道 原來先喺無綫做特約

根據維基網站所述:「關詠荷本是寫字樓裏的一位文員。1987年,她經朋友介紹替香港浸會學院傳理系的學生拍了一些功課後,產生了興趣,於是便嘗試投考無綫電視藝員訓練班,雖然並沒有被取錄,卻獲邀做特約演員,1987年首播的《生命之旅》便是第一套兼出道作品,雖然角色只是個訪問記者,但是對白不少、令人眼前一亮。」

87年關詠荷投考無綫藝員訓練班未被取錄,卻獲邀做特約演員,喺劇集《生命之旅》做一位有唔少對白嘅記者,Esther正式出道。

1988年入亞視 民族風力捧上封面

關詠荷88年加入亞視,經幾套劇磨練後,90年未滿26歲已成亞視花旦之一,呢年5月份仲成為官方周刊封面人物,衣著同背景都充滿東南亞味道,含情微笑唔冷傲。

1991年再做亞視Cover Girl 笑容甜到漏

1991年關詠荷在亞視的劇集作品包括《隔離差館有隻鬼》、《觸電情緣》、《暴雨燃燒》等,其中以韋家輝監製的《暴雨燃燒》最受注目。

91年3月關詠荷再次做官方周刊cover girl,大玩黃色tone爆光效果,不過最吸引人嘅始終係甜到漏嘅笑容。

1992年婚紗攝影廣告

1992年,關詠荷與同台藝員張家輝因拍攝《龍在江湖》而相戀,巧合地她在這年接拍了婚紗廣告,拍下這輯平面廣告相:

關詠荷92年初替某婚紗攝影拍平面廣告,著住件好似成身棉花糖嘅雪白婚紗瞓喺地下,畫面如詩又如畫。

1995年 加入無綫展示《星戰》「公主頭」

1993年關詠荷過檔無綫電視,可算是90年代初首位加入無綫電視的前亞視藝員(其後陸續過檔的有安德尊、伍詠薇、苑瓊丹及馬蹄露等人),關詠荷加入之初的處境劇《開心華之里》,飾演魏駿傑妻子。

關詠荷係咪《星球大戰》嘅fans唔知,但佢呢個95年新髮型,又幾似七十年代星戰嘅莉亞公主。

1994年孖青雲秋生進軍大銀幕

94年電影《拆彈專家寶貝炸彈》中,演拆彈專家嘅劉青雲同黃秋生,同時愛上演酒吧女侍應嘅關詠荷,一次三人飲醉後竟同睡一床,後來Esther懷孕,青雲同秋生都認係經手人,笑料百出。

1997年大紅大紫年

93年跳槽無綫嘅關詠荷,到1997年係絕對係豐收年,每套劇都大受歡迎,4月登上某電視周刊封面同海報人物,著上紫tone服裝名副其實「大紅大紫」。

屢拍歐陽震華攞「惹笑冤家獎」

關詠荷97年喺古裝劇《醉打金枝》演唐朝昇平公主,逃婚後同歐陽震華演嘅「郭曖」從歡喜冤家變成情侶同夫妻,兩人火花四濺,同年還有近日重播的《美味天王》,奪得《萬千星輝頒獎典禮》「最佳惹笑冤家獎」。

 

《美味天王》關詠荷飾演秦蘇蘇,雖然已經33歲,孖辮妹的造型,加上全劇成日叫肥肥做「媽媽、媽媽」,好有少女味。

1997年奪首屆視后

1997年關詠荷在TVB產量豐富,同江華合演清裝劇《苗翠花》,演爽直活潑為人好打不平嘅苗翠花,憑精彩演出贏得《萬千星輝賀頒獎典禮》「最佳女主角」成首屆視后。

1998年最理想《陀槍師姐》

關詠荷98年喺劇集《陀槍師姐》演失婚女警「娥姐」朱素娥,陀槍時堅強又英勇,除低警服卻柔弱可人,演得光芒四射,喺03年港台同警務署舉辦嘅「銀幕上十大理想警察」選舉中獲第九位,成唯一女性入圍者!

2000年與張家輝首次情侶檔

張家輝同關詠荷00年首次以「情侶檔」合演台慶劇《金裝四大才子》,攞正牌拍拖親熱,而Esther分飾性格兩極嘅秋香同秋月,演繹得層次分明。
張家輝演出過TVB版的唐伯虎,大家有沒有印象呢?
二人 1992 年正式宣布拍拖。由於當時關詠荷已被捧為亞視的當家花旦,而張家輝只是知平平無奇、低知名度的藝人,故外界狠批不合襯,令二人拍拖飽受壓力。

下一頁: 張家輝認定太太只因對方一句話 相愛27年曾分開再復合!

相關文章:近年淡出幕前、半山超市野生捕獲關詠荷!

延伸閱讀:

2020華語賀歲片推薦!《乜代宗師》、《家有囍事》之外新年電影仲有呢啲⋯⋯(附戲院訂票連結)

《東張西望》咪神李旻芳戴罩激凸 街訪 Cosplay「巨乳任何仁」