新任後生仔KOL第二彈 有內衣設計學生 仲有打機女神!

東方新地 - 娛聞

大台節目《後生仔傾吓偈》中,有陸浩明、麥明詩及馮盈盈每集同班大學生KOL傾吓偈,話題貼地之餘有時仲好踩界,備受網民追捧!早前已經有四位後生仔女新血同大家見面,今次就為大家介紹埋另外兩男兩女!

撰文:東方新地|圖片:Instagram、節目截圖、Yes校花校草FB

延伸閱讀:

跨銀行免費即時過數冇難度!「轉數快」正式啟動(附用戶登記教學)

【一人一票】一見到呢啲畫面即刻眼濕濕 網民盤點10大沉重電影畫面

《後生仔傾吓偈》KOL

《後生仔傾吓偈》除咗睇兩位港姐冠軍麥明詩、馮盈盈狂爆出位言論,一班大學生KOL同樣各有粉絲,好似身材逼爆的波波、搞笑的阿楓、兩姊妹都咁靚女的大細孖寶君及寶珊等。

馮盈盈同麥明詩兩位港姐冠軍言論夠晒出位,網民Like爆!
一班大學生KOL同樣各有粉絲!

 

|Frederick (徐文浩)

Fredrick畢業於香港大學大專經濟學系,加入《後生仔》前曾擔任網上平台主持,外表都係典型的陽光男孩,高大靚仔。據知佢畢業後就同兩位朋友一齊去台灣環島單車遊,旅程足足14日,沿途風景也被佢拍下並在IG上分享,夠晒熱血!

Frederick原來同另一位後生仔Vitas份屬好友,兩人識咗三年幾!
真係咩運動都玩喎!
雖然唔清楚Frederick實際身高,不過見佢張張合照都喺朋友中「高人一等」,應該都真係幾高!
不過唔好意思啦,人哋有女朋友啦!

|GM (曾展望)

「展望」呢個名幾特別!GM現時就讀理工大學會計系Year 4,喺咁多位新任後生仔女中都算係「素人」一名,之前唔係咩網絡紅人、運動員或者模特兒之類。不過GM勝在都係陽光大男孩風格,牙齒潔白又笑容燦爛,平時影相都幾Chok,仲好似有少少似歌手釗峰?


據知GM暑假時參加了美國遊學圑,但返港後發現肥咗唔少,所以為了上節目而積極減肥,短短一個多月已迅速減了8磅!

都唔係好肥啫?

|Yanyan (陳欣茵)

Yanyan現正就讀理工大學Year 4,特別在佢係修讀「內衣設計」,可以預期佢喺節目中會同麥明詩及馮盈盈擦出火花,有好多關於內衣的話題討論!又或者不如玩大啲,叫兩位港姐冠軍試著佢設計的內衣都好!

睇番Yanyan IG都勁多靚相睇,有成1萬二千幾followers,因為佢去年曾經參與Youtuber「熊仔頭」的影片拍攝,又登上過「Yes校花校草」,吸納到唔少粉絲!

Yanyan會唔會親自演繹自己作品?
「Yes校花校草」專頁又見到佢~

|蔥蔥 (陳雪聰)

呢位勁有鄰家女孩feel的蔥蔥,就唔同《放學ICU》嗰隻「蔥蔥」,佢現時就讀於浸會大學體育及康樂管理Year 1,一直有經營自己的YouTube頻道,內容大多係同打機相關,蔥蔥IG仲有成10萬followers!

蔥蔥樣貌清純,身形嬌滴滴,小編覺得望落有啲萬綺雯feel?

呢個角度似唔似萬2蚊?
愛打機的女生特別有吸引力!

之前四位後生仔女,大家睇咗未呢?

 

|劉子碩 (小碩)

劉子碩外號小碩,今年只係20歲,係唯一來自台灣的大學生,畢業於新北市私立莊敬高級工業家事職業學校,修讀表演藝術科文憑。小碩年青俊朗就唔使講啦,一口半咸淡廣東話特別可愛,有望成為新男神!

|李嘉豪(Alston)

第二位後生仔李嘉豪(Alston),今年只係20歲不過外表夠晒成熟,最爆係Alston喺節目中應主持要求即場剃鬚,仲係用麥明詩私人珍藏的剃鬚刀!Alston就讀於理工大學紡織及製衣學系,睇佢IG啲相似乎都幾有藝術氣質!

唔緊要啦,最多咪之後留番長!
行為藝術?

|鄧伊程(Tiffany)

呢位笑得咁豪邁的女孩子係鄧伊程(Tiffany),有著高佻身材及一身健康膚色,一睇就知佢係運動健將!原來Tiffany中學時期已經係名校拔萃女書院的田徑健將,跳高、100米跨欄及接力等都有優異成積,喺學界有「楊文蔚師妹」之稱!

Tiffany俾人感覺都有少少似「跳高女神」楊文蔚?

|羅詠怡(Kosa)

最後到細細粒的羅詠怡(Kosa),樣子甜美、笑容夠燦爛,畢業於浸會大學視覺藝術系的Kosa社交網站夠晒精彩,有唔少三點式泳衣照大晒身材,男網民們必follow!順帶一提,Kosa原來係應屆港姐冠軍陳曉華的好朋友~

細細粒幾Cute~

Kosa IG仲有唔少網民至愛睇的泳衣照,大家慢慢欣賞~

玩呢啲?!

Kosa係應屆港姐冠軍陳曉華的好朋友,決賽當晚佢都有到場見證好友奪冠~

😂嘈到拆天 你哋一個二個唔食辣搞到我變咗食 毒丁一人前💀 好在Derek都食少少辣嗰邊姐~ . #啊張Mavis係女僕 #米奇老鼠 #最萌身高差

A post shared by KosaLaw™ 羅詠怡 (@kosalaw) on Sep 4, 2018 at 9:06pm PDT



延伸閱讀:

孖老公馬爾代夫造人 王君馨 IG晒吹功