【新一代短髮女神】蘇皓兒突圍而出!急速冒起嘅短髮女神仲有佢哋...

90年代女星大部份都係長頭髮,好多觀眾都覺得咁先係女神。但今時唔同往日,而家一班90後短髮女星都一樣好有個人氣質,而家就同大家睇下呢班90後短髮女神啦。

蘇皓兒

蘇皓兒(Chloe)有「翻版周慧敏」之稱,係前女子組合As One成員之一,出道嗰陣係留長髮,但因拍廣告而將頭髮剪短。點知剪短後令Chloe原本深邃精緻嘅五官更加突出,好襯佢活潑積極嘅性格!蘇皓兒有份演出嘅劇集《那些我愛過的人》正在熱播中,佢喺劇中有不俗嘅表現,成功獲得網民關注。

蘇皓兒
蘇皓兒

蔡思貝

蔡思貝近年都以清爽短髮示人,唔少人認為佢短髮更靚及有魅力。佢為咗拍攝《機場特警》而親手將頭髮剪得更短,令佢嘅五官更加突出,大獲好評。

蔡思貝
蔡思貝

王頌茵(Kathy仔)

王頌茵係ViuTV節目《埋嚟睇埋嚟玩》主持,憑住短髮造形被網民大讚清純,又讚佢比無綫花旦高質,更封佢為女神。

王頌茵
王頌茵

袁澧林

氣質女神袁澧林(Angela)係模特兒出身,雖然佢一頭短髮,但無阻一眾品牌對佢嘅愛戴,唔少一線品牌嘅活動都會邀請佢出席。

袁澧林
袁澧林

李靖筠

李靖筠(Gladys)係模特兒出身,由大學開始做兼職model,帶有文青味嘅佢有拍劇、拍電影,而且仲識自彈自唱,真係多才多藝。

李靖筠
李靖筠

談善言

談善言出道時已經以短髮示人,憑電影《點五步》擔任女主角而為人熟悉,後來更剪咗男仔頭,又喺《告別之前》飾演癌症病人而剃光頭。早前,被人感覺硬朗嘅談善言,喺ViuTV劇集《打天下》中初嘗打女角色。

談善言
談善言

廖子妤

廖子妤來自馬來西亞,2012年隻身到港發展,之後試過憑電影《末日派對》入圍香港電影金像奬最佳新演員。廖子妤其後又憑《同班同學》嘅全裸演出,成為焦點。另外,由佢主演嘅ViuTV新劇《地產仔》將於6月29日首播,有興趣嘅朋友就記得留意啦!

廖子妤
廖子妤