文頌嫻Hold住眼淚 咪嘥料!

東方日報
談善言拍打戲拍上癮,打算繼續學空手道。

藝人文頌嫻前晚出席ViuTV新劇《打天下》的煞科宴,經過數月拍攝,她被讚是「戲精」,兩秒內能在鏡頭前表達出多個複雜表情,連導演都讚厲害!不過,她反讚同劇演員好戲:「有啲只係對戲講對白,我已經好感動,我話唔好講住,正式嚟,唔好嘥晒啲眼淚。」又指監製完全兌現對她的承諾,不用捱夜開工。問到忙拍戲,有否被7歲女兒詐型?她笑說:「冇喎!仲問我幾時開工,佢不知覺得幾自由!」劇集早前到沖繩取景,但她要湊女,沒有隨行。

同場的談善言為拍劇學習空手道,見她消瘦不少,她強調沒有節食:「因為太辛苦,可能打嘅場口多,每集都有打,又有比賽。(打傷?)第一日開工就拉傷咗。」

文頌嫻話喊就喊,被讚「戲精」。