【改好嘅人?】許志安鄭秀文重新出發 甜蜜遊淺水灣

鄭秀文 & 許志安

一段感情能夠經得起風浪真係唔容易,一段壞咗嘅婚姻要修補更加困難!但係有一對夫婦能夠成功做得到,選擇原諒支持對方,呢對就係「許氏夫婦」許志安及鄭秀文(Sammi)。

自4月爆出「安心偷食」,轉眼間已經過咗大半年。事件發生後黃心穎就即時被停工,避走外國,早前仲傳佢想改名轉投地產界。而許志安喺當時就即時開記者招待會,公開承認錯誤及宣布停工!而太太Sammi喺經過幾日冷靜後,喺社交網站貼文表示決定原諒老公許志安。Sammi嘅行為及處事方式令唔少網民欣賞。

事件發生後幾個月,許志安一直被稱為「世紀賤男」,所以一直未有公開露面。第一次露面就係Sammi喺7月嘅紅館個唱,佢成為太太嘅粉絲陪伴支持佢。Sammi開完個場後,更大方與許志安前往機場,齊齊飛去倫敦,探望雷頌德夫婦順便休養。喺Sammi嘅社交網站所見,佢已經收拾心情。

近日仲有傳媒影到許志安同Sammi去咗淺水灣拍拖食下午茶,報道仲話佢哋揀咗一間望海嘅餐廳,由下晝坐到黃昏,期間佢哋有講有笑,睇落安仔已經慢慢由「壞咗嘅人」變成「改好嘅人」啦!