收電話恐嚇林夏薇報警!

東方日報
林夏薇強調經濟狀況冇問題!

除了甩拖的馮盈盈,藝人林夏薇與黎燕珊等昨日亦有到電視城出席《逆》劇拜神儀式。薇薇的老公近期頻被貼街招,疑捲入金錢糾紛,昨日她談到此事時說:「所有一切以我老公嘅律師嘅聲明為主。我嚴肅強調我先生係冇任何欠債或者違法行為,我經濟上係冇任何問題,對我先生嘅誣告同不實報道,喺內地法院嘅判決已得到澄清,我哋亦會通過法律途徑去追究到底。我亦會同私隱專員公署投訴,我之前收到四、五百個電話同訊息騷擾同恐嚇,話唔妥協就公開文件,我已經報咗警。」

而黎燕珊表示近日忙準備為明天生日的女兒慶祝,忙碌之餘竟弄傷腰部:「尋晚走去閂窗,點知撻親!我未睇醫生,依家仲有少少痛。」問到將與甚麼人慶祝?她口快快說了「爸爸」,隨即否認有新戀情,並笑說:「我都想,呢個要交畀耶穌,可能我創傷後遺症好嚴重,唔慣身邊有人,但我係持開放態度。」

黎燕珊整親條腰,負傷現身新劇活動。