【擁優良基因】細數娛樂圈齊齊入行姊妹花 你識幾多個?

大部份做得明星,樣貌當然要有返咁上下,同佢哋做得姊妹通常都有優良基因,顏值都唔會太差。圈中有唔少姊妹花一齊入行,當然唔止得大家熟悉嘅周汶錡周勵淇同埋楊怡楊卓娜,而家我哋同大家一齊睇下娛樂圈嘅索姊妹花啦!

姚子羚 & 饒慧珊

姚子羚妹妹都算係半個公眾人物,饒慧珊係nowTV新聞主播。未知佢哋關係時,唔少網民都覺得饒慧珊靚,知道佢哋係兩姊妹後,發現佢哋遺傳晒媽媽嘅台灣基因,一樣都係樣靚身材正。

黃心穎 & 黃心美

黃心穎同許志安嘅偷食事件,上年轟動全城,連累埋做香港開電視嘅家姐黃心美。其實大家姐黃心美(Scarlette)都幾甜美可人,仲有索爆身材,成為好多網民心目中嘅女神。雖然黃心穎早前避走美國多月,不過上月高調回港,佢主演嘅劇集陸續出街,好似《牛下女高音》及《丫鬟大聯盟》,無綫似乎有意「放生」佢。

張寶兒 & 張寶欣

張寶兒同張寶欣呢對姐妹花,同樣都係參選港姐入行。兩姊妹都擁有迷人可愛嘅笑容,再加上開朗性格,令工作愈黎愈多。

鍾舒祺 & 鍾舒漫

鍾舒漫同妹妹鍾舒祺兩個都係歌手,不過完全兩個性格,妹妹打扮有個性、浮誇又古靈精怪。而鍾舒漫就行才女路線親自作曲。鍾舒祺同樂隊Ever結他手李恒韜喺上年情人節結婚,唔知幾時輪到家姐呢?

莊思明 & 莊思敏

來自馬來西亞嘅「拿督千金」莊思敏、莊思明及莊思華先後加入娛樂圈,家姐莊思敏做model入行,而莊思明就參選港姐後入行,其實多年前莊思明曾經同孖生家姐莊思華以組合出道,不過之後因為公司問題所以解散咗。

余香凝 & 余潔瀅

影壇新貴余香凝(Jennifer)都有個靚女妹妹余潔瀅(Zoe),同家姐好似樣,都係高高瘦瘦白白凈凈,之前仲係《美女廚房》嘅「美少女學徒」!