【摘去《延禧》光環】傳吳謹言被打入冷宮

戲裏玩宮鬥,戲外原來好睇過戲!

內地女星吳謹言憑宮鬥劇《延禧攻略》一炮而紅,光速登上一線花旦之列,但自《延》劇後,佢好似後勁不繼,人氣開始下滑。有傳因為佢同于正合約就快夠鐘,一心向外闖;不過另一說法係傳于正另有所「屬」,傳已棄「言」保「鹿」,改捧同公司另一美女新人白鹿,于正更鋪天蓋地喺社交網為白鹿宣傳,翻查資料,由于正製作嘅大陸劇《世界欠我一個初戀》、《烈火軍校》﹑《玉樓春》﹑《招搖》都有搵白鹿拍等,呢兩年內就有2部劇做女一,分薄吳謹言資源。

吳謹言被傳失寵!
有指《延禧》之後,佢聲勢大不如前!

厚此薄彼,定係有口難言?于正似乎仲係幾緊張吳謹言,對於自己一手捧大嘅「囡囡」失寵,佢就喺社交網話全部都係無稽之談,更怒斥造謠者:「不要扯甚麼合約快到期,甚麼不受寵,你是我肚子裏的蛔蟲?我想啥都知道?我很愛我的藝人,也不輕易簽藝人,簽進來就拉進一個群當親人相處,不分彼此。」又話每個藝人佢都放喺心上,只係新人就需要多啲照顧:「要說真有偏心,也更多偏向新人,畢竟娛樂圈寒冬,明星有選擇,新人更難,當初他們還是新人的時候,我也如此!」

有傳于正力捧白鹿~
又真係靚嘅!
佢劇接劇,同男友許凱齊齊爆紅!
愛將入冷宮?于正話冇咁嘅事!