摑完「老婆」內疚 黃智賢打牆發洩

東方日報
黃智賢

藝人黃智賢(Ben)於新劇《黃金有罪》中飾演上流社會公子,恃勢凌人,有一場怒摑妻子陳自瑤(YoYo)的戲份,由於拍攝時出盡力掌摑,對方一時來不及反應登時呆住,Ben見狀即喪「耍冧」,坦言拍這場戲心理壓力非常大:「寧願畀人打好過,因為對手會幾辛苦,多謝YoYo信任,本來諗住借位,少少掂到就算,但唔夠震撼,佢叫我照打,都幾戥佢肉痛。我隻手板好大,佢塊面又細,食晒我啲力,摑完佢個頭都Fing一Fing,之後我不停講唔好意思。」

劉芷希驚被定型

劇中虐妻,現實中Ben卻是愛妻號:「我嬲嗰陣寧願唔出聲或者走咗去,我試過同太太嗌交,嬲到自己打牆發洩,不過,最後都係我氹番佢。」

此外,於劇中飾演紅牌舞女「莫莉莉」的劉芷希,早前與許紹雄拍攝男士健康產品廣告,以性感露纖腰造型上陣,坦言拍前內心曾掙扎:「之前拍過安全套廣告,今次係男性健康產品,都擔心被定型行性感路線,惟有安慰自己,向好方面諗,機會難得。」

黃智賢諗起掌摑陳自瑤,都覺得唔好意思。
劉芷希性感打扮拍廣告。