揭蔡思貝躁鬱症因由 麥秋成:依家輪到我變瘦

麥秋成祝福蔡思貝找到新戀情。

排舞師麥秋成現身彭家麗(Angela)加盟新唱片公司活動,他表示是來撐Angela兼好友崔建邦:「如果佢哋遲啲邀請我排舞好願意,仲好期待,佢唱歌好好聽。」

彭家麗的加盟新唱片公司活動十分熱鬧。

談及日前參與無綫高層樂易玲的生日Party,同場還有舊愛蔡思貝以及她多位緋聞男友胡鴻鈞、余德丞及王浩信都在,場面如一后四王!麥秋成笑言當晚絕無尷尬,因為大家都是同事:「成日都喺TVB見,唔係啲咩特別事。(有冇傾偈?)有,一齊飲吓湯、切蛋糕,

麥秋成與蔡思貝分手仍是朋友。

每次戀情結束都可跟舊愛做朋友?他說:「大部分都可以做得番朋友,咁係咪好彩?哈哈!(你好大方。)大家成年人,呢啲都係一個過程,最緊要替佢開心。」追問是否要替思貝暗撻胡鴻鈞而開心?他即哈哈大笑話:「係替所有朋友!(佢冇話你聽?你都冇問?)冇,少八卦佢啲私生活,見到朋友開心,我就開心。」

麥秋成表示剛加入TVB,感到有壓力:「依家輪到我變瘦!」

再談及思貝早前自爆曾患躁鬱症,問是否因跟他分手所致?麥秋成否認說:「應該係工作壓力,依家佢應該好好多,見佢開朗咗,又肥番啲,精神好好!依家係輪到我變瘦。(因為輸咗畀胡鴻鈞?)唔係啦!係我啱啱入TVB,有壓力。」

崔建邦主持加盟儀式活動。
彭家麗悉心打扮出席加盟新唱片公司活動。