捱盡冷言冷語 朱晨麗:呢個圈好恐怖

東方日報
朱晨麗一一否認緋聞,唯獨何廣沛有機發展。

在劇集《多功能老婆》中憑惡老婆思蕾一角備受讚賞的朱晨麗,向來男性緣旺,但她在電台訪問中講起緋聞男友李晉強、李日朗與黃子恆即扁嘴搖頭,至於因合作《超時空男臣》而擦出火花的何廣沛,她直言並非冇發展機會,對他第一印象是好Cool:「我同佢Say Hi,佢掉頭走咗,後尾佢話見到我好怕醜。(一早留意你?)佢有留意好多人。(有冇機會發展?)唔可以話冇,依家單身,我事業心強,家庭觀都好強,諗過40歲前結婚生仔,但未遇到Mr. Right時要衝一衝!」

身為2011年四料港姐冠軍的她,自爆選美期間飽受冷言冷語,加上初出道的《名媛望族》被網民喪插,令她沮喪爆喊:「我同馬國明同吳卓羲有感情戲,佢哋嘅粉絲轟炸我,陳法拉嘅粉絲又轟炸我,當時覺得呢個圈好恐怖!」