捉緊夏天的尾巴!麥明詩密密晒水着益街坊

呢期密密派福利喎。

「十優港姐」麥明詩(Louisa)最近除咗迷上潛水之外,亦似乎愛上攝影,頻頻大晒火辣泳照嘅佢,繼日前大騷「心形胸」,呢日再度派福利,佢喺社交網大晒兩張性感水着相,相中見以鮮黃色比堅尼上陣,先喺浪花之中留倩影,之後再走到山邊,大擺性感甫士勁騷長腿及超長事業線,相當養眼,佢仲有感而發咁留言表示:「世界太複雜,想回歸大自然。」唔少網友都大讚佢索到爆,連好友陸浩明都笑言:「係時候出寫真集。」