挑戰體能極限 唐詩詠行2k再直接跑飛鵝山

依家梗係最緊要健康!

最近興起行山熱潮,藝人唐詩詠(Natalie)亦跟風相約一班好友行山做運動,Natalie一朝早就起身,跟住成班團友沿路冇停過,第一次跑山嘅佢更自嘲「番薯」:「唔知哪來一份勇氣,凌晨5點起身,我呢舊番薯同一班精英,一齊去咗飛鵝山,行2k再直接跑上山,中間冇停過。係,我真係冇停過,不過蟻咁慢啦!多謝教練Andy一直帶領我,第一次總算唔太失禮,至少冇放棄。」連跑步行山愛好者陳山聰都留言肯定佢嘅體力:「你可以跟我上山喇!」Natalie就話:「目標跟你上山!」

唐詩詠(後排左二)真係有勇氣!
第一次跑山大成功!
落咗山就戴番口罩,啱嘅…