拒開金口助王梓軒 陳家樂:驚觀眾嘔

東方日報
陳家樂自認唱歌跳舞都唔掂。

無綫節目《兄弟幫》昨日在電視城錄影,主持王梓軒將舉行入行十年演唱會,特別邀請好友陳家樂、王君馨、衛詩分享友誼。家樂與梓軒相識多年,同公司也不熟悉,直到近年拍電影才打開心扉成為好友。問家樂可會做演唱會嘉賓?他說:「無謂喇,我唔識唱歌同跳舞,上台講兩句就得,如果唱歌我驚啲觀眾嘔。」家樂又自爆當年曾以低成本為衛詩拍MV,是他擔任MV導演以來最高點擊率,超過二百萬點擊。

王梓軒則爆與王君馨當年幾乎被撮合成一對:「我識佢時佢仲未選港姐,趙希洛諗住介紹我哋識,但係嗰日我個電話升級緊,收唔到訊息冇應約,依家就變成沙煲兄弟。」

王梓軒、王君馨