拒同霆鋒父子檔拍電影 四哥:佢搶晒我鏡頭

謝賢拒同謝霆鋒父子檔拍電影。

【星島日報報道】新劇《法證先鋒IV》舉行煞科宴,主要演員包括謝賢(四哥)、鮑起靜、陳煒、黃浩然、譚俊彥、黃心穎及鄭希怡等到場慶功。

談到拍攝《法證IV》時的點滴,謝賢(四哥)笑言自己無記性,拍攝已是半年前,自己已經不記得演甚麼角色。問到是否已收到酬勞?四哥笑說:「未畀錢喎,呢樣我記得!收咗大利是,我都未拆,留返嚟陪葬。」四哥提到15歲入行至今,都沒有做過其他職業,全靠電影跟電視養大全家人。問到可考慮跟兒子謝霆鋒父子檔拍電影?他說:「唔制!會畀佢搶晒鏡,我會輸畀佢,乜都輸晒畀佢。依家係佢哋嘅世界,唔係我嘅世界。」

此外,問到四哥最近可有見孫仔Lucas及Quintus?他說:「我聽日就見佢哋。(幾耐見一次)大概一個月見一次。」提到張栢芝早前產下第3個兒子,他說:「我都唔知!呢個唔關我哋屋企事。」

睇更多