拍《天涯歌女》得17歲 陳松伶一見黎明嗒晒糖

松松讚黎明靚仔易入戲,但只冧滋滋咗一下。

【星島日報報道】陳松伶受訪港台節目《舊日的足跡》,松松重提最近到廈門探老公張鐸班時,不慎在雨中跌倒,連翻幾個筋斗,面撞瘀了,膝頭更掉了一塊肉。她說在17歲時放學回家煮飯,煲了眉豆雞腳湯,卻把湯打翻了,燙到自己的腳,還因地上有油跌傷了屁股,須住院及在家休息各一個月,現在她腳上還留有疤痕。

復元後,松松拍攝她首部電視劇《天涯歌女》,她說當時是「零基礎、零訓練」,但要演一個30歲的歌女,幸好對手黎明有著男神的樣子,否則難以代入角色。二人曾因拍這劇傳緋聞,被問到當時只有17歲的她,與23歲的黎明對戲會否感到意亂情迷?松松說:「其實當時除咗黎明,仲有郭富城、林家棟、黎耀祥,佢哋都有教我演戲。依家佢哋已經係獨當一面、首屈一指嘅實力派演員。」至於與他們合作,有沒有談戀愛的感覺?松松直言:「一見到已經嗒晒糖,好靚仔,好容易入戲,不過只係甜滋滋咁閃咗一下,因為我實在太忙,除咗背對白,仲要做功課。當時我喺中大上堂,後來因為方便,我自己揸車返學。同學嘅反應有兩面,一啲覺得我招搖過市,一啲人就明白我嘅處境。」

睇更多