拍旅遊節目着三點式騷身材 張沛樂嘆不在狀態:最冇自信嘅一次!

拍旅遊節目着三點式騷身材 張沛樂嘆不在狀態:最冇自信嘅一次!

由張沛樂(沙律)、馬俊怡(Rose)、羅堃尉(Karen)、劉沛蘅及熙琳主持的香港開電視旅遊節目《美少女日本民宿》,即將於2月8日首播。5位主持將會走訪日本的特色民宿,將日本的風土、美景呈現觀眾眼前。當中首次拍攝旅遊節目的沙律就去到東京、鐮倉、廣島等地取景,除了以三點式泳裝上陣享受日光浴外,更大玩居合道!

自言喜歡旅遊的沙律,憶述首次旅行是跟家人遊泰國,笑指睇人妖騷睇到喊:「當年只有6、7歲,跟屋企去泰國,點知屋企帶我去睇人妖騷,當時其實都唔知咩叫人妖,淨係覺得啲『姐姐』好恐怖,嚇到大喊,最終我要企喺門口等屋企睇完個騷嚟接返我。」她坦言最希望能夠去民族色彩濃厚的東歐旅行,提到近年流行背包旅行,沙律指嘗試過一次,可惜感覺不太好,因為過程有點悶,還覺得旅行一定要有伴,大家可以在旅遊過程中增進感情。

節目中,沙律初嘗玩居合道,雖然穿起全副居合道裝束入型入格,但玩完之後手臂肌肉痛足幾日:「居合道把劍好重,要雙手先攞得起,因為把劍好長,要做一個簡單拔劍動作都唔容易,玩咗兩個鐘,手臂肌肉酸痛咗幾日。」提到節目中以三點式泳裝上陣,沙律指當時並非最佳狀態,笑言是她人生中穿泳裝最沒有自信的一次。

另外,沙律去年年尾跟拍拖三年的林耀聲分手,問到踏入鼠年可希望有新戀情?沙律表示的確有新追求者,但她心情卻非常矛盾:「想拍拖係因為我怕寂寞,但自己又唔想咁隨便開始一段新感情,加上有堪輿師傅話我要兩年後先有真命天子出現,所以我都好迷惘,唯有暫時寄情工作。」

點擊下圖看更多沙律的靚相:

點擊瀏覽《香港01》更多內容和圖集

你可能感興趣:
張沛樂回復單身 預告為電影犧牲挑戰性感極限:我冇包袱
沙律張沛樂分手後過獨居生活 「都會感到陌生同孤獨」