拍新劇搵命博 郭晉安譚俊彥被追斬險出意外

1 / 4
■(左起)譚俊彥、郭晉安與李嘉,昨日拍攝新劇《失憶24小時》一場追斬戲。

【星島日報報道】郭晉安與譚俊彥(Shaun)昨日為無 新劇《失憶24小時》開工,拍攝一場被追斬的飛車迎救戲,險發生撞車意外,幸Shaun眼明手快及時跳上車煞停,有驚無險。文、圖:陳敏華、錢文坤

昨日劇情講述Shaun開車勇救安仔,二人被動作演員李嘉追斬。或因Shaun太入戲,停車跑落車時,車突然後溜,在場工作人員見狀隨即大叫,反應快的Shaun第一時間跳上車煞停部車。

事後,Shaun解釋因入錯後波所致,幸沒受傷,不過因之前手腳有傷,昨日都要替身上陣,他稱尚餘一星期煞科,監製擔心他們受傷會影響進度。安仔亦慨歎自己有舊患在身,身體不夠靈活,很多動作已做不到,幸有替身為他分擔一半辛苦。

拍到尾聲大感不捨

談到追斬戲,Shaun笑指李嘉表面上是硬漢,實質好溫柔,所有動作點到即止。他又透露全劇於1月頭拍完,坦言入TVB多時難得有假放,計畫一家人新年去沖繩自駕遊,多年沒一家旅行令自己特別緊張,爸爸已年紀大,於是決定一家人去旅行,他自嘲是去做司機。

劇集拍到尾聲,安仔指大家不捨得走,他記得首日開工好陌生,但經過一、兩個月已熟絡不少,平安夜當日大家要在工作中度過。Shaun稱到時會帶美食入廠一齊慶祝,家人已習慣,子女都懂的,事關由出生至今爸爸都要拍劇,很少機會見。安仔則希望盡快拍完劇可剃鬚,笑言女兒不讓他錫錫。

視帝視后看好馬明詩詠

問到今年爭視帝的機會?Shaun坦言:「當然沒機會,很多師兄,好似馬國明在TVB十幾廿年,雖然自己入行都廿年,但入TVB只四、五年,應該尊重師兄先。女主角方面一路看好李施嬅,但很多不明朗因素,未到最後一刻都不知誰得獎,祝他們好運!」而安仔覺得今年很平均,看好馬國明和唐詩詠較突出。

■呢場追斬戲,大家都七情上面,連導演都大讚好。

■拍攝時車突然溜後,幸好譚俊彥反應夠,第一時間跳上車煞停部車,才不致出意外。

■眾人拍攝期間都好賣力。

■(左起)譚俊彥、郭晉安與李嘉,昨日拍攝新劇《失憶24小時》一場追斬戲。

娛樂

睇更多