拍拖前後變兩個人 唔一定指男仔嘅!

我知我知,學子華神話齊「你都唔係好似以前咁」,呢句可以話係每個女人都講過嘅說話;無他嘅,男人拍拖,追到前同追到後,從來都係兩種唔同生物。陰功,身為女人,究竟應該直接接受命運,定還是改變男人呢?其實男人最常改變嘅做法又係邊幾種呢?

送返屋企 vs. 送去搭車

未拍拖前又或者啱啱一齊嗰陣,一定要送到返女仔屋企樓下,甚至等埋女仔上到樓,係窗口到講埋拜拜先依依不捨咁走;拍咗一排之後,已經退化到只係送去車站搭車,再耐啲?食完飯落樓就拜拜啦!

走勻全港九 vs. 油尖旺

啱啱拍拖之前,每次拍拖,都會準備定香港全地圖,諗住由朝玩到晚,安排晒地點、餐廳,直情係旅遊達人一樣;拍拖一排之後呢?唔單止唔會諗去邊做乜好,出親街嘅地點僅限旺角、尖沙咀、銅鑼灣是旦一個囉!

嗱嗱嗱,不過以上講嘅係男友,好似所有「變」嘅都係男人,咁女人唔通唔會變咩?!唔係架,睇下呢條片,你就會知,女人咪又「唔係好似以前咁!」

  

《拍拖前後大不同》完整版:http://bit.ly/2vwdRXz