拍戲就住道力!郭思琳怕傷人

東方日報
郭思琳練出鋼條身材,有姿勢有實際。

近年轉行武打路線的藝人郭思琳,自參與格鬥真人騷後一直練習巴西柔術,在主演電影《擊鬥女神》中可謂學以致用,她說:「我嘅角色同真人有啲相似,又係做演員,又係打MMA,好玩嘅地方仲有戲中戲,可以發揮身手,又有得舞槍弄劍,仲有感情線同慘情喊戲,好有挑戰性!」

她表示文戲多得前輩韋家雄及戲中未婚夫張竣傑帶動,反而拍打戲有很多高難度摔撻動作,困難得多:「要就鏡頭同度招,一招動作要做好多次,好在我對鎖技較純熟,識就力,所以冇受傷亦冇傷到對手,拍完發現自己體能都唔算差。」

身手了得的郭思琳,拍打戲學以致用。