【抗疫勵志】張達明內地返港曾發燒至39度 抗癌後雙腿萎縮仍積極面對人生

張達明

現年55歲嘅藝人張達明,於2011年患上鼻咽癌,經過7年嘅抗癌期,喺化療過程不慎重金屬中毒,抗癌成功後留下後遺症。老婆亦喺佢抗癌路上不離不棄,最終戰勝病魔,佢卻喺16年選擇結束15年婚姻。

有傳媒報道指,重金屬中毒令到張達明雙腳會突然麻痺,腿部肌肉開始萎縮、惡化,又擔心有其他後遺症。雙腿肌肉萎縮時好時壞,有時舉步艱難,有時卻行動自如,就算等電梯期間,張達明都不斷做腿部伸展運動,緩解腿部肌肉萎縮。

近日新冠肺炎喺全球擴散,張達明透露早前由內地返港,曾經發高燒至39度,佢有懷疑患上新冠肺炎。但好彩當天打完退燒針,五日後痊癒。張達明仲話喺患病後都事事小心,一直有戴口罩出門,一嚟遮擋佢個病後憔悴樣,另一方面做好防病毒措施減低感染風險。

報道指,呢場大病加上離婚及財困,曾令佢萌生自殺念頭,好彩佢諗起一對仔女而打消念頭。而家雖然身體狀況不及以前,但張達明就樂觀積極面對人生,好似上年佢就簽約美國電影公司,早前更憑《麥路人》飾演無家可歸者,成功入圍香港電影金像獎嘅「最佳男配角」。

張達明
張達明