扮靚達人倪晨曦教御膚術

東方日報
鄺芷凡(左起)、倪晨曦與沈卓盈最識享受人生,為大家介紹至潮至好的產品及美食。

女神倪晨曦、沈卓盈及鄺芷凡最近主持香港開電視新節目,介紹潮流產品、打卡必選餐廳及美容必殺技。美容達人倪晨曦主打美妝護膚,勢必吸引大批「絲打」(女觀眾)收看。

香港開電視新節目《五星級絲打》由倪晨曦(Elva)、沈卓盈(Jess)及鄺芷凡(Omi)主持,節目內容包羅萬有,吃喝玩樂扮靚約會,帶觀眾到必去打卡的餐廳,又介紹周末好去處包括露營及運動,還有最新潮物推介,必令一眾絲打品味昇華!觀眾大可暫時放低忙碌生活,跟住三位靚女放鬆吓!

推介必影打卡位

三位主持分工合作,身為扮靚界KOL的Elva向來深得女Fans支持,今次主要負責介紹美妝護膚部分,絕對是必睇之選。節目會介紹隱世法國復古藥妝店、罕有的黃金護膚品及新年彩妝等,至於吃慣美食的Jess負責介紹星級食肆,除了食物味道要夠好,更要有靚靚打卡位,滿足女士「相機食先」的習慣!

至於Omi化身白老鼠接受挑戰,示範各類新穎潮物!她們又推介開箱環節,每集均會介紹新奇產品,例如口氣測試機、新式美白牙膠及真假鑽戒等。適逢農曆新年及情人節將至,她們亦有相關話題內容,緊貼觀眾生活。

感情好 互改花名

Elva笑言三人雖然是首次合作,但很有默契,「三個女人一個墟」有說不完的話題,帶出更多資訊給觀眾:「我哋幾個都係好直嘅女仔,鍾意唔鍾意都會講,大家好投契,我幫Jess改咗花名做『沈大爺』,Omi係『Omi仔』,而佢哋就話我係『女漢子』。」至於Jess表示最難忘其中一集由她揸車帶Elva野餐:「我都係第一次車朋友去野餐,車入面得我同佢,我哋一路傾偈一路唱歌,好快到目的地,嗰日拍得好開心。」Elva讚Jess是女車手,駕駛技術比她好。

鄺芷凡歎世界派福利

香港開電視藝人鄺芷凡是三位主持中年紀最小,她在節目中負責「最重要」崗位,為觀眾試驗新產品,做白老鼠即場示範。她直言有些產品太新,完全沒見過,令她大開眼界,最難忘是示範美白牙膠:「要含住個牙膠20分鐘,我唔講得嘢,但佢哋就不停引我笑,我唔敢吞口水,驚吞埋啲膠!相信係我人生最長時間冇吞口水。」

她透露於節目中穿泳衣浸Spa,觀眾大飽眼福之餘,她亦可歎世界:「我本身怕曬太陽,所以喺室內能夠對住維港美景浸日光浴,真係好正!」

鄺芷凡浸Spa勁寫意。
一講扮靚,三位靚女雞啄唔斷。